நீங்கள் தேடியது "மேக்புக் ப்ரோ"

ஆப்பிள் நிறுவனம் புதிதாக 6K டிஸ்ப்ளே ஒன்றை அறிமுகம் செய்ய இருப்பதாக தகவல் வெளியாகியுள்ளது. இது புரோபஷனல் கிரேடு தரத்தில் உருவாகி இருக்கும் என்றும் கூறப்படுகிறது.

புதிய டிஸ்ப்ளே 31.6 இன்ச் அளவில் இருக்கும் என்றும் இதில் வைடு கலர் கமுட் மற்றும் அதிக கான்டிராஸ்ட் இருக்கும் என்றும் தெரிகிறது. புதிய டிஸ்ப்ளேவினை கொண்டு ஆப்பிள் மினி-எல்.இ.டி. பேக்லிட் தொழில்நுட்பத்திற்கு மாறுவதை வெளிப்படுத்த பயன்படுத்திக் கொள்ளும் என கூறப்படுகிறது. 

இதே தொழில்நுட்பம் எதிர்கால மேக்புக் மற்றும் ஐபேட்களிலும் பயன்படுத்தப்படலாம் என எதிர்பார்க்கப்படுகிறது. புதிய ஆப்பிள் டிஸ்ப்ளேவில் குவாசி மினி எல்.இ.டி. பயன்படுத்தப்படலாம் என கூறப்படுகிறது. இது வழக்கமான மினி-எல்.இ.டி.க்களில் பயன்படுத்தப்படுவதை விட பெரியதாகும்.

ஏற்கனவே எதிர்பார்க்கப்பட்டதை விட இந்த டிஸ்ப்ளேக்கள் முன்கூட்டியே அறிமுகம் செய்யப்படலாம் என எதிர்பார்க்கப்படுகிறது. அந்த வகையில் புதிய டிஸ்ப்ளேவினை ஆப்பிள் தனது WWDC 2019 நிகழ்வில் அறிமுகம் செய்யலாம். இந்நிகழ்வு இந்த ஆண்டு ஜூன் மாதம் 3 ஆம் தேதி துவங்குகிறது.

புதிய ஐபேட் மற்றும் மேக்புக் ப்ரோ மாடல்களில் ஆப்பிள் மினி-எல்.இ.டி. தொழில்நுட்பத்தையே பயன்படுத்தலாம் என்றும் கூறப்படுகிறது. இவை முந்தைய ஆப்பிள் சாதனங்களில் இருந்ததை விட புதிய சாதனங்களின் டிஸ்ப்ளே தரத்தை அதிகளவு மேம்படுத்தும்.

இதுமட்டுமின்றி புதிய வகை டிஸ்ப்ளே வழக்கமான எல்.இ.டி. டிஸ்ப்ளேக்களை விட சாதனத்தின் பேட்டரி செயல்திறனை மேம்படுத்தும் என கூறப்படுகிறது.

ஆப்பிள் நிறுவனம் புதிய ஐபேட்கள், 16-இன்ச் மேக்புக் ப்ரோ, 31-இன்ச் 6K மாணிட்டர், இருபுறமும் சார்ஜிங் சப்போர்ட் கொண்ட ஐபோன்கள் உள்ளிட்டவை 2019 ஆண்டில் அறிமுகம் செய்யலாம் என தகவல் வெளியாகியுள்ளது. 2019 ஐபோன் மாடல்கள் ஐபோன் XS மற்றும் ஐபோன் XR மாடல்களின் அளவுகளை கொண்டிருக்கும் என்றும் கூறப்படுகிறது.

புதிய ஐபோன்களில் யு.எஸ்.பி. டைப்-சி கனெக்டிவிட்டி வழங்கப்படலாம் என கூறப்பட்ட நிலையில், தற்சமயம் வெளியாகி இருக்கும் தகவல்களில் புதிய ஐபோன்கள் லைட்னிங் கனெக்டிவிட்டி கொண்டிருக்கும் என கூறப்படுகிறது. இத்துடன் அல்ட்ரா-வைடுபேண்ட் கனெக்டிவிட்டி தொழில்நுட்பம் வழங்கப்படும் என தெரிகிறது.

இந்த தொழில்நுட்பத்துடன் இருபுறமும் வயர்லெஸ் சார்ஜிங் வசதி, அதாவது ஐபோன்களை கொண்டு வயர்லெஸ் முறையில் மற்ற சாதனங்களை சார்ஜ் செய்யும் வசதி வழங்கப்படும் என கூறப்படுகிறது. புதிய ஆப்பிள் சாதனங்களில் மேம்படுத்தப்பட்ட ஃபேஸ் ஐ.டி. தொழில்நுட்பம் வழங்கப்படும் என்றும், பெரிய பேட்டரி மற்றும் மூன்று கேமரா அமைப்பு கொண்டிருக்கும் என தகவல் வெளியாகியுள்ளது.

ஐபேட்களை பொருத்தவரை ஆப்பிள் நிறுவனம் இரண்டு புதிய ஐபேட் ப்ரோ மாடல்களை இந்த ஆண்டு அறிமுகம் செய்யலாம் என்றும் இவற்றில் மேம்பட்ட பிராசஸர்கள் வழங்கப்படலாம் என கூறப்படுகிறது. தற்போதைய 9.7 இன்ச் ஐபேட் முற்றிலும் புதிய வடிவமைப்பு கொண்டிருக்கும் என்றும் இதில் 10.2 இன்ச் அளவில் மிகமெல்லிய பெசல்களை கொண்டிருக்கும் என கூறப்படுகிறது. புதிய ஐபேட் மினி மாடலில் மேம்பட்ட பிராசஸர் வழங்கப்படும் என கூறப்படுகிறது.

இத்துடன் ஆப்பிள் நிறுவனம் 16 மற்றும் 16.5 இன்ச் அளவுகளில் மேக்புக் ப்ரோவினை புதிய வடிவமைப்பில் அறிமுகம் செய்யலாம் என கூறப்படுகிறது. டேப்லெட் மற்றும் லேப்டாப்களை தொடர்ந்து டிஸ்ப்ளே சந்தையில் ஆப்பிள் புதிய சாதனத்தை அறிமுகம் செய்ய இருப்பதாக கூறப்படுகிறது.

இந்த ஆண்டு ஆப்பிள் நிறுவனம் 31.6 இன்ச் அளவில் 6K3K மாணிட்டர் ஒன்றை அறிமுகம் செய்யலாம். இந்த டிஸ்ப்ளேவில் மினி எல்.இ.டி. போன்ற பேக்லிட் வடிவமைப்பு கொண்டிருக்கும் என கூறப்படுகிறது. வன்பொருள் சாதனங்களை தவிர ஆப்பிள் நிறுவனம் தனது மென்பொருள் சேவைகளை இந்த ஆண்டு மார்ச் மாதம் அறிமுகம் செய்யலாம் என தெரிகிறது.

ஆப்பிள் நிறுவனத்தின் 2018 மேக்புக் ப்ரோ 13 இன்ச் மற்றும் 15 இன்ச் மாடல்கள் டச் பார் வசதியுடன் இந்தியாவில் அறிமுகம் செய்யப்பட்டுள்ளன. 

இரண்டு ஆப்பிள் சாதனங்களிலும் 8-ம் தலைமுறை இன்டெல் கோர் பிராசஸர்கள் வழங்கப்பட்டுள்ளன. இதன் 15-இன்ச் மாடலில் 6-கோர்கள் 70% வரை வேகமாக இயங்கும் என்றும் 13-இன்ச் மாடல் முந்தைய தலைமுறை மாடலுடன் ஒப்பிடும் போது இருமடங்கு வேகமாக இயங்கும் என தெரிவிக்கப்பட்டுள்ளது.

இவற்றுடன் 32 ஜிபி மெமரி, ட்ரூ டோன் டிஸ்ப்ளே வழங்கப்பட்டு இருப்பதால் சிறப்பான அனுபவம் பெற முடியும் என்பதோடு மூன்றாம் தலைமுறை கீபோர்டு வழங்கப்பட்டிருக்கிறது. ஆப்பிள் நிறுவனத்தின் T2 சிப் கொண்ட முதல் மேக்புக் ப்ரோ மாடல்கள் இது ஆகும். 

முன்னதாக இந்த சிப் ஐமேக் ப்ரோ மாடலில் வழங்கப்பட்டது குறிப்பிடத்தக்கது. இந்த சிப் மேம்படுத்தப்பட்ட பாதுகாப்பு வசதியை வழங்குவதோடு, செக்யூர் பூட் மற்றும் என்க்ரிப்டெட் ஸ்டோரேஜ் உள்ளிட்டவற்றை வழங்குகிறது. இத்துடன் இந்த சிப் மேக் சாதனங்களில் முதல் முறையாக சிரி (Hey Siri) அம்சத்தையும் வழங்குகிறது.

- 6-கோர் இன்டெல் கோர் i7 மற்றும் i9 பிராசஸர்கள்

- அதிகபட்சம் 2.9 ஜிகாஹெர்ட்ஸ் 4.8 ஜிகாஹெர்ட்ஸ் வரை டர்போ பூஸ்ட்

- 32 ஜிபி DDR4 மெமரி

- சக்திவாய்ந்த ரேடியான் ப்ரோ டிஸ்கிரீட் கிராஃபிக்ஸ் மற்றும் 4 ஜிபி வரை வீடியோ மெமரி

- அதிகபட்சம் 4TB வரையிலான SSD ஸ்டோரேஜ்

- ட்ரூ டோன் டிஸ்ப்ளே தொழில்நுட்பம்

- ஆப்பிள் T2 சிப்

- டச் பார் மற்றும் டச் ஐடி

- குவாட்கோர் இன்டெல் கோர் i5 மற்றும் i7 பிராசஸர்கள்

- அதிகபட்சம் 2.7 ஜிகாஹெர்ட்ஸ் மற்றும் 4.5 ஜிகாஹெர்ட்ஸ் வரை டர்போ பூஸ்ட்

- இருமடங்கு eDRAM

- இன்டெல் ஐரிஸ் ப்ளஸ் இன்டகிரேடெட் கிராஃபிக்ஸ் 655 மற்றும் 128 எம்பி eDRAM

- அதிகபட்சம் 2TB வரை SSD ஸ்டோரேஜ்

- ட்ரூ டோன் டிஸ்ப்ளே தொழில்நுட்பம்

- ஆப்பிள் T2 சிப்

- டச் பார் மற்றும் டச் ஐடி

புதிய 13 இன்ச் மற்றும் 15 இன்ச் மேக்புக் ப்ரோ (2018) மாடல்களின் விலை ரூ.1,49,900 ( அமெரிக்காவில் 1799 டாலர்கள், இந்திய மதிப்பில் ரூ.1,23,150) மற்றும் ரூ.1,99,900 (அமெரிக்காவில் 2399 டாலர்கள், இந்திய மதிப்பில் ரூ.1,64,220) என நிர்ணயம் செய்யப்பட்டுள்ளது. 

 

ஆப்பிள் 2018 மேக்புக் ப்ரோ மாடல்களின் விற்பனை இம்மாதத்திலேயே தேர்வு செய்யப்பட்ட ஆப்பிள் விற்பனையாளர்களிடம் துவங்கும் என தெரிவிக்கப்பட்டுள்ளது. மேக்புக் ப்ரோ மாடல்களுக்கு ஏற்ற லெதர் ஸ்லீவ்களையும் ஆப்பிள் அறிமுகம் செய்திருக்கிறது.

13 இன்ச் மற்றும் 15 இன்ச் மேக்புக் ப்ரோ சேடிள் பிரவுன், மிட்நைட் ப்ளு நிறங்களில் லெதர் ஸ்லீவ்கள் வழங்கப்பட்டுள்ளன. இதன் விலை 179 டாலர்கள் (இந்திய மதிப்பில் ரூ.12,260) என நிர்ணயம் செய்யப்பட்டுள்ளது. ஆப்பிள் லெதர் ஸ்லீவ்கள் உயர் ரக லெதர் மூலம் உருவாக்கப்பட்டு இருப்பதோடு மென்மையான மைக்ரோஃபைபர் லைனிங் செய்யப்பட்டுள்ளது. #MacBookPro2018 #Apple